Shruti Vilas Kadam
खरवस तयार करण्यासाठी चिक (पहिलं दूध), साधं दूध, साखर किंवा गूळ, वेलची पावडर आणि थोडंसं केशर लागते. चव वाढवण्यासाठी ड्रायफ्रूट्सही वापरू शकता.
एका भांड्यात चिक आणि साधं दूध एकत्र घ्या. साधारणपणे 1 वाटी चिक आणि 1 वाटी दूध असे प्रमाण ठेवले जाते, जेणेकरून खरवस मऊ तयार होतो.
या मिश्रणात साखर किंवा गूळ घालून चांगले मिसळा. त्यानंतर वेलची पावडर आणि केशर टाकल्यास खरवसाला छान सुगंध आणि स्वाद मिळतो.
खरवस अधिक मऊ आणि गुळगुळीत बनवण्यासाठी तयार मिश्रण गाळणीने गाळून घ्या. त्यामुळे गाठी राहत नाहीत आणि टेक्स्चर चांगले तयार होते.
तयार मिश्रण एका भांड्यात काढून कुकर किंवा स्टीमरमध्ये 25 ते 30 मिनिटे वाफेवर शिजवा. शिट्टी न लावता मध्यम आचेवर खरवस तयार करावा.
खरवस पूर्ण थंड झाल्यानंतर त्याचे चौकोनी किंवा आवडीप्रमाणे तुकडे करा. थंड खरवस खायला अधिक स्वादिष्ट लागतो.
खरवस हा प्रोटीन आणि कॅल्शियमयुक्त पारंपरिक पदार्थ मानला जातो. सण, खास प्रसंग किंवा पाहुण्यांसाठी हा गोड पदार्थ उत्तम पर्याय ठरू शकतो.