Shruti Vilas Kadam
खरवस हा गायीच्या किंवा म्हशीच्या पहिल्या दुधापासून (चिक) बनवला जाणारा पारंपरिक गोड पदार्थ आहे. तो पौष्टिक आणि पचायला हलका असतो.
चिक दूध (पहिलं दूध), साधं दूध, गूळ किंवा साखर, वेलची पूड, केशर (ऐच्छिक).
चिक दूध जाड असल्यामुळे त्यात थोडं साधं दूध मिसळावं. दूध फार पातळ किंवा फार घट्ट होणार नाही याची काळजी घ्या.
मिश्रणात चवीनुसार गूळ किंवा साखर घाला. गूळ वापरल्यास खरवसाला नैसर्गिक रंग आणि चव मिळते. शेवटी वेलची पूड आणि केशर घाला.
खरवस शिजवण्याआधी मिश्रण गाळून घ्या. त्यामुळे खरवस एकसारखा, मऊ आणि गुठळ्याविना तयार होतो.
मिश्रण भांड्यात ओता आणि मध्यम आचेवर वाफ द्या. साधारण ३०–४० मिनिटांत खरवस छान सेट होतो. कुकरमध्ये शिजवताना शिटी न लावता वाफ द्या.
खरवस पूर्ण थंड झाल्यावर तुकडे करा आणि सर्व्ह करा. हा पदार्थ थंड किंवा नॉर्मल तापमानात अधिक चविष्ट लागतो.