Siddhi Hande
जेवल्यानंतर गोड पदार्थ खायला अनेकांना आवडते. तुम्ही घरीच केशर रसगुल्ला बनवू शकतात.
केशर रसगुल्ला बनवण्याची रेसिपी खूप सोपी आहे. हा रसगुल्ला तोंडात टाकताच विरघळेल.
दूध, लिंबाचा रस किंवा व्हिनेगर, साखर, पाणी, केशर, वेलची पूड, केशर हे कोमट दूधात भिजवलेले असायला हवे.
सर्वात आधी दूध गरम करा. दूधाला उकळी आल्यानंतर गॅस बंद करा.
दूधात लिंबाचा रस टाकून ते फाडून घ्या. यानंतर दूध सूती कापडातून गाळून घ्या. यानंतर हे सारण थंड पाण्याने धुवून घ्या. जेणेकरुन आंबटपणा निघून जाईल.
यानंतर कापडातून दूधाचा सर्व चोथा निथळल्यानंतर एका ताटात काढा. हे मिश्रण १० मिनिटे छान मऊ होईपर्यंत मळून घ्या. हे मळताना त्यात केशर टाका.
यानंतर मिश्रणाचे लहान, गोलाकार गोळे बनवून घ्या. याला कुठेही भेगा नसायला हव्या.
एका बाजूला साखरेचा पाक तयार करण्यासाठी ठेवा. त्यासाठी एका भांड्यात साखर आणि पाणी टाका.
उकळलेल्या पाकात हे गोळे टाका.झाकण ठेवून १०-१५ मिनिटे शिजवून घ्या. यामुळे रसगुल्ले आकाराने मोठे होतील.
यानंतर गॅस बंद करुन त्यात वेलची पूड टाका. हे रसगुल्ले फ्रिजमध्ये थंड होण्यासाठी ठेवा.