Shreya Maskar
तुम्हाला संध्याकाळी चहासोबत खायला चटपटीत पदार्थ हवा असेल तर कारल्याचे पकोडे एकदा नक्की ट्राय करा. ही रेसिपी बनवायला अगदी सोपी आहे.
कारल्याचे पकोडे बनवण्यासाठी कारली, मीठ, पाणी, लिंबाचा रस, बेसन , तांदळाचे पीठ, कॉर्नफ्लॉवर, हळद, हिंग, लाल तिखट मसाला, तीळ इत्यादी साहित्य लागते
कारल्याचे भजी बनवण्यासाठी सर्वप्रथम कारली स्वच्छ धुवून त्यातील बिया काढून घ्या. त्यानंतर कारल्याचे उभे काप करा. कारली कोमट पाण्यामध्ये धुवा.
बाऊलमध्ये पाणी, मीठ , लिंबाचा रस घालून मिक्स करून घ्या. यात कारल्याचे काप बुडवून ठेवा. जेणेकरून सर्व कडवटपणा निघून जाईल.
दुसऱ्या बाउलमध्ये बेसन, तांदळाचे पीठ, कॉर्नफ्लॉवर, हळद, हिंग, लाल तिखट मसाला, तीळ सगळे पदार्थ छान मिक्स करा. यात थोडे पाणी मिक्स करून पेस्ट बनवा.
तयार पीठात कारली एक एक करून घोळवून घ्या. पॅनमध्ये तेल गरम करून यात कारल्याचे कापे तळून घ्या. कारली गोल्डन फ्राय तळून घ्या.
कारले चवीला कडू जरी असले तरी रक्तातील साखर नियंत्रित ठेवण्यास मदत करते. तसेच कोलेस्ट्रॉल कमी करण्यासाठी आणि पचन सुधारण्यासाठी उत्तम आहे.
कारल्यात भरपूर प्रमाणात व्हिटॅमिन सी, लोह, पोटॅशियम आणि फायबर असते. वजन कमी करण्यासाठी कारले फायदेशीर आहे.