Manasvi Choudhary
उन्हाळ्यात कलिंगड या फळाचे सेवन सर्वजण करतात. कलिंगड सॅलड, कलिंगड ज्यूस बनवून खाल्ला जातो.
पण आज आम्ही तुम्हाला कलिंगडाच्या भाजीची रेसिपी सांगणार आहोत.
तुम्हाला आश्चर्य वाटलं असेल, पण खरंच कलिंगडाची भाजी ही चवदार आणि पौष्टिक असते.
आपण सर्वजण कलिंगडातील लाल रंगाचा गर खाल्ल्यानंतर पांढरी साल फेकून देतो. मात्र तुम्हाला माहितीये का, कलिंगडाच्या पांढऱ्या रंगाच्या सालीपासून तुम्ही भाजी बनवू शकता.
कलिंगडाची भाजी बनवण्यासाठी तुम्हाला कलिंगडाच्या पांढरा भाग, कांदा, कढीपत्ता, जिरे, मोहरी, हिरवी मिरची, मीठ, तेल, कश्मिरी मिरची, लाल मसाला, हळद, आलं- लसूण पेस्ट, सुक्या खोबऱ्याचे वाटण हे साहित्य एकत्र करा.
सर्वातआधी कलिंगडाच्या पांढऱ्या भागाचे बटाट्याच्या फोडी प्रमाणे बारीक काप करून घ्या.
गॅसवर कढईमध्ये कढीपत्ता,जीरे, मोहरी आणि बारीक चिरलेला कांदा सोनेरी रंगाचा होईपर्यंत परतून घ्या.
नंतर या मिश्रणात टोमॅटो, आलं- लसूण पेस्ट, सुक्या खोबऱ्याचे वाटण मिक्स करा. नंतर यात हळद, मसाला आणि मीठ हे मिक्स करून तुम्ही भाजीवर झाकण ठेवा.
भाजी शिजल्यानंतर त्यावर झाकण ठेवा. घरच्या घरी कलिंगडाची चमचमीत भाजी तयार होईल.