Shreya Maskar
कलावंतीण दुर्ग हा महाराष्ट्र राज्यातील पश्चिम घाटात, पनवेलजवळ स्थित २,२५० फूट (६८६ मीटर) उंचीचा एक प्रसिद्ध सुळका आणि ऐतिहासिक किल्ला आहे.
हा ट्रेक ठाकूरवाडी या पायथ्याच्या गावापासून सुरू होतो आणि 'प्रबळमची' नावाच्या पठारावरून पुढे जातो. हिवाळ्यात येथे पर्यटकांची गर्दी पाहायला मिळते.
ट्रेकिंगच्या शेवटच्या टप्प्यात सुळक्याच्या उभ्या कडेवरून वळणावळणाने जाणारे, खडकात कोरलेले अरुंद आणि अतिशय तीव्र उताराचे जिने आहेत. या जिन्यांच्या बाजूला खोल दरी आहे. येथे ट्रेकिंगचा थरार अनुभवता येतो.
येथून सह्याद्रीच्या पर्वतरांगांचे, तसेच शेजारील प्रबळगड किल्ला आणि माथेरानचे विहंगम दृश्य दिसते. पावसाळ्यात येथील सौंदर्य अजूनच चित्तथरारक वाटते.
कलावंतीण दुर्ग हा ट्रेक भीतीदायक आणि धोकादायक मानला जातो कारण या मार्गावर ६० अंशांचा तीव्र उतार असलेल्या खडकातील पायऱ्या आहेत, ज्या अरुंद आहेत, त्यांना आधार देण्यासाठी रेलिंग्ज नाहीत आणि सर्व बाजूंना खोल दरी आहे.
पावसाळ्यात खडकातील या उघड्या पायऱ्या ओल्या आणि निसरड्या होतात, तसेच तिथे सैल खडक किंवा माती असू शकते. वर चढण्यापेक्षा खाली उतरणे अनेकदा अधिक कठीण आणि भीतीदायक वाटते, कारण खाली उतरताना तुम्हाला समोरची प्रचंड खोल दरी थेट दिसते.
कलावंतीण दुर्ग हा मुंबईजवळील खतरनाक ट्रेकिंग स्पॉट आहे. वीकेंडला येथे पर्यटकांची गर्दी पाहायला मिळते.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.