Shreya Maskar
कैरीचा सीझन आलाय. त्यामुळे अनेकांच्या घरात कैरीपासून पदार्थ बनवले जातात. तुम्ही सुद्धा कैरीपासून कोकणात बनवला जाणारा हा खास पदार्थ घरी नक्की ट्राय करा. ज्याचे नाव आहे, कैरी-खोबऱ्याची चटणी
कैरी-खोबऱ्याची चटणी बनवण्यासाठी कैरी, ओलं खोबरं, हिरवी मिरची, आलं, लसूण, कोथिंबीर, मीठ, पाणी इत्यादी साहित्य लागते.
कैरी-खोबऱ्याची चटणी बनवण्यासाठी सर्वप्रथम मिक्सरच्या भांड्यात ओलं खोबरे, कैरीचे तुकडे, हिरव्या मिरच्या वाटून घ्या.
यात आलं, लसणाच्या पाकळ्या, कोथिंबीर, चवीनुसार मीठ आणि थोडं पाणी घालून पेस्ट बनवा. पेस्ट जास्त घट्ट किंवा पातळ असणार नाही, याची काळजी घ्या.
पराठा, भाकरी, चपातीसोबत कैरी-खोबऱ्याची चटणी खूपच चवदार लागते. कोकणात ही रेसिपी उन्हाळ्यात आवर्जून बनवली जाते.
कैरीमुळे अॅसिडीटीचा त्रास कमी होतो. अपचन होत नाही. शरीराला थंडावा देते, पचन सुधारते. यात भरपूर फायबर असते.
खोबऱ्यातील पोषक घटकांमुळे पचनशक्ती सुधारते, त्वचेचा पोत सुधारतो, रोगप्रतिकारशक्ती वाढते आणि हृदयाचे आरोग्य टिकून राहते.
कैरीपासून अनेक पदार्थ बनवले जातात. उदा. कैरीचे लोणचे, मेथांबा, चटणी, कैरीचे पन्हे, कैरीची डाळ