Sakshi Sunil Jadhav
वजन कमी करण्यासाठी अनेक लोक गहू टाळून मिलेट्सचा वापर वाढवत आहेत. त्यात ज्वारीची व बाजरीची भाकरी सर्वाधिक लोकप्रिय आहे. पण नेमकं वजन कमी करण्यासाठी कोणती भाकरी जास्त फायदेशीर आहे? आहारतज्ज्ञांच्या मते दोन्ही भाकऱ्यांचे फायदे वेगवेगळे असतात आणि शरीराच्या गरजेनुसार त्यांची निवड करावी.
तज्ज्ञ सांगतात की वजन कमी करण्यामध्ये सर्वात महत्त्वाचा रोल खेळते ती फायबरची मात्रा, ग्लायसेमिक इंडेक्स आणि पचनाची गती. या आधारावर पाहता ज्वारी आणि बाजरी दोघींनाही वजन कमी करण्यामध्ये चांगला फायदा आहे; मात्र काही परिस्थितीत ज्वारी थोडी जास्त प्रभावी ठरते.
ज्वारीचा GI बाजरीपेक्षा थोडा कमी असल्याने रक्तातील साखर जलद वाढत नाही. यामुळे वजन कमी होण्यास मदत होते.
बाजरीची भाकरी हाडे मजबूत ठेवते आणि दीर्घकाळ ऊर्जा देते, त्यामुळे वजन कमी करताना थकवा जाणवत नाही.
जास्त फायबरमुळे पोट जास्त वेळ भरल्यासारखे वाटते, ज्यामुळे अनावश्यक खाणे कमी होते.
बाजरी हळू पचते, त्यामुळे भूक कमी लागते. वजन कमी करताना हे मोठे प्लस पॉइंट आहे.
अॅसिडिटी, गॅस किंवा पचनाचा त्रास असल्यास ज्वारीची भाकरी जास्त हलकी व फायदेशीर.
थंडीत वजन कमी करताना बाजरी भाकरी उत्तम काम करते, कारण ती मेटाबॉलिझम वाढवते.
ग्लूटेन टाळणाऱ्यांसाठी ज्वारी सुरक्षित आणि वजन कमी करण्यासाठी एक आरोग्यदायी पर्याय.
ज्वारी-बाजरी दोन्ही नैसर्गिक, प्रक्रिया न केलेले कार्ब्स देतात, जे शरीराला वजन कमी करतानाही ऊर्जा देतात. जास्त फायबर, कमी GI आणि हलके पचन त्यामुळे ज्वारी वजन कमी करण्यासाठी थोडी 'बेस्ट' निवड मानली जाते.