Sakshi Sunil Jadhav
घरच्या घरी अगदी हॉटेलसारखा सुगंधी, मोकळा आणि परफेक्ट जीरा राईस बनवायला खूप सोपा आहे. पुढे याची स्टेप बाय स्टेप रेसिपी आपण जाणून घेणार आहोत.
1 कप बासमती तांदूळ, 2 कप पाणी, 2 टेबलस्पून तूप, 1 टीस्पून जिरे, 1 तमालपत्र, 2 लवंग, 1 दालचिनीचा तुकडा, मीठ, कोथिंबीर इ.
जीरा राईस मोकळा बनवण्यासाठी बासमती तांदूळ कमीत कमी 20 ते 30 मिनिटं पाण्यात भिजवून ठेवा. त्यामुळे तांदळाचे फुटतात.
तांदूळ 2 ते 3 वेळा स्वच्छ पाण्याने धुवून घ्या. मग त्यातला स्टार्च काढून टाका. त्याने भात चिकट होत नाही.
कढई किंवा जाड बुडाच्या भांड्यात तूप गरम करा. त्यात जिरं टाका. जिरं तडतडलं की, त्यात तमालपत्र, लवंग आणि दालचिनी घालून काही सेकंद परतून घ्या.
भिजवलेले तांदूळ निथळून कढईत घाला. 2 ते 3 मिनिटं हलक्या हाताने ते परतून घ्या. एक कप तांदळासाठी दोन कप पाणी घाला. त्यात चवीनुसार मीठ मिक्स करा.
भांडे झाकून मध्यम आचेवर 10 ते 12 मिनिटं भात शिजू द्या. पाणी पूर्ण आटल्यावर गॅस बंद करा. गॅस बंद केल्यानंतर भात 5 ते 10 मिनिटं झाकून ठेवा आणि सर्व्ह करा.