Shreya Maskar
तुम्ही जर वीकेंडला १-२ दिवसांसाठी मुंबईजवळ ट्रिप प्लान करत असाल तर जव्हार हिल स्टेशन बेस्ट ऑप्शन आहे.
जव्हार हे थंड हवेचे ठिकाण पालघर जिल्ह्यात, मुंबईपासून उत्तरेकडे साधारणपणे १४० ते १५५ किमी आणि नाशिकपासून ८० किमी अंतरावर स्थित आहे.
जव्हार हिल स्टेशनला गेल्यावर तुम्हाला स्वर्गाहून सुंदर नजारा पाहायला मिळतो. तुम्ही निसर्गाच्या सानिध्यात येथे भन्नाट फोटोशूट करू शकता.
जव्हार हे ठिकाण येथील वैशिष्ट्यपूर्ण वारली आदिवासी कला, धबधबे आणि समृद्ध आदिवासी वारशासाठी प्रसिद्ध आहे.
वारली चित्रे ही एक प्राचीन आदिवासी कलाशैली आहे; यात पारंपारिकपणे झोपड्यांच्या भिंतींवर तांदळाच्या पिठाच्या मिश्रणातून स्थानिक ग्रामीण जीवन आणि विविध विधींचे चित्रण केले जाते.
जव्हारला 'धबधब्यांचे शहर' असेही म्हटले जाते; येथे ३०० फूट उंच असलेला दाभोसा धबधबा आणि अनेक टप्प्यांतून वाहणारा कलमांडवी धबधबा यांसारखी प्रेक्षणीय स्थळे आहेत.
'सनसेट पॉइंट' आणि 'हनुमान पॉइंट' यांसारख्या लोकप्रिय ठिकाणांवरून सह्याद्री पर्वत रांगांचे विहंगम दृश्य पाहता येते. नेहमी नेहमी महाबळेश्वर, माथेरानला जाण्यापेक्षा एकदा येथे भेट द्या.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.