Sakshi Sunil Jadhav
उन्हाळ्यात अनेकांना थंड पेय प्यायला आवडतं. पुढे आपण लिंबू पाणी नाही तर, जलजीरा पुदिन्याचं पाणी कसं बनवायचं? हे जाणून घेणार आहोत.
तुम्हाला उन्हाळ्यात जर पोट फुगण्याचा अपचनाचा त्रास होत असेल तर हे पेय तुम्हाला लगेचच थंडावा देईल. पुढे याची रेसिपी देण्यात आली आहे.
जळजीरा हे पुदिना, जिरे आणि चिंचेच्या चवीने बनणारे थंडगार पारंपरिक भारतीय पेय आहे. यात वापरलेले जिरे आणि काळे मीठ पचन सुधारण्यास मदत करतात. शरीरातील उष्णता कमी करून ताजेतवाने ठेवण्याचे काम करते.
पुदिन्याची पाने, कोथिंबीर, भाजलेले जिरे, काळे मीठ, चिंचेचा गर आणि लिंबाचा रस या साहित्यात तुम्ही हा रस किंवा ज्यूस तयार करू शकता.
पुदिना आणि कोथिंबीर ब्लेंड करून गाळून घ्यावी, त्यात मसाले आणि चिंचेचा गर मिक्स करुन घ्या.
लिंबाचा रस आणि साखर घालून आंबट-गोड चव बॅलेन्स करता येते.
सर्व्ह करताना थंड पाणी आणि बर्फाचे तुकडे घाला. त्याने चव जास्त वाढते. बाजारातल्या सॉफ्ट ड्रिंक्सऐवजी जलजीरा हा नैसर्गिक आणि हेल्दी पर्याय आहे.
दुपारच्या वेळी किंवा जेवणानंतर घेतल्याने पचनास मदत होते आणि शरीराला ऊर्जा मिळते.