Shreya Maskar
फणसाच्या आठळ्यांची भाजी बनवण्यासाठी फणसाच्या बिया, कांदा, टोमॅटो, बेसन, तेल इत्यादी साहित्य लागते.
लाल तिखट, धने पावडर, हळद, लसणाची पेस्ट, काळीमिरी पूड, तमालपत्र आणि चवीनुसार मीठ इत्यादी मसाले लागतात.
फणसाच्या आठळ्यांची भाजी बनवण्यासाठी सर्वप्रथम आठळ्या/ बिया पाण्यात मीठ घालून उकडून साल काढून घ्या.
आता पॅनमध्ये तेल गरम करून त्यात तमालपत्र, बारीक चिरलेला कांदा गोल्डन फ्राय करून घ्या.
या मिश्रणात लसणाची पेस्ट, धने पावडर, लाल तिखट, काळीमिरी पूड, तमालपत्र आणि चवीनुसार मीठ घालून परतून घ्या.
मसाल्याला तेल सुटल्यावर यात टोमॅटो घालून मॅश करा.
शेवटी यात उकडलेल्या आठळ्या घालून १० ते १५ मिनिटे शिजवून भाजीला उकळी काढून घ्या.
फणसाच्या आठळ्यांच्या भाजीचा कोथिंबीर घालून आस्वाद घ्या.