Shreya Maskar
फणसाचे लाडू हे फणसातील बियांपासून बनवले जातात. ही रेसिपी बनवायला अगदी सोपी आहे. फणसाच्या बियांच्या लाडूची कृती जाणून घेऊयात.
फणसाच्या बियांचे लाडू बनवण्यासाठी फणसाच्या बिया, सुखामेवा, ऑलिव्ह तेल, सुंठ पूड, काळी मिरी पूड, दूध, वेलची पूड, साखर किंवा गूळ,ओले खोबरे , डिंक आणि तूप इत्यादी साहित्य लागते.
फणसाच्या बियांचे लाडू बनवण्यासाठी सर्वप्रथम फणस नीट फोडून त्यातील गरे आणि बिया वेगळ्या काढा. बिया पाण्यात चांगल्या स्वच्छ करून घ्या.
फणसाच्या बिया स्वच्छ झाल्यावर त्यात कुकरला लावून ३-४ शिट्ट्या करून उकडून घ्या. गॅस कमी आचेवर ठेवा.
बिया थंड झाल्यावर त्यांची साले काढा आणि मिक्सरला वाटून घ्या. यात पाणी टाकू नका. तयार बियांची पेस्ट एका मोठ्या बाऊलमध्ये काढून घ्या.
बाऊलमध्ये ऑलिव्ह तेल, सुंठ पूड, काळी मिरी पूड, वेलची पूड टाकून सर्व मिक्स करा. त्यानंतर तुम्ही यात गोडासाठी साखर किंवा गूळ यांचा वापर करू शकता.
मिश्रण एकजीव झाल्यावर त्यात ओले खोबरे, डिंक आणि तूप मिक्स करा. शेवटी ड्रायफ्रूट्सचे छोटे काप करून मिक्स करा.
आता हाताला तूप लावून छान मध्यम आकाराचे गोल फणसाच्या बियांचे लाडू बनवा. रोज एक लाडू खा, यामुळे शरीराला देखील चांगले पोषण मिळेल.