Surabhi Jayashree Jagdish
दारू यकृतासाठी हानिकारक असते हे सर्वांनाच माहितीये. पण काही रोजच्या सवयी आणि पदार्थ देखील लिव्हरचे गंभीर नुकसान करू शकतात. अनेक लोक नकळत अशा गोष्टींचं सेवन करतात ज्यामुळे फॅटी लिव्हर आणि लिव्हर सिरोसिससारखे आजार होऊ शकतात.
विशेष म्हणजे या गोष्टी सुरुवातीला शरीरात कोणतीही मोठी लक्षणं दाखवत नाहीत. या गोष्टी कोणत्या आहेत ज्या तुमच्या लिव्हरसाठी धोकादायक आहेत त्या पाहूयात.
पॅरासिटामॉलसारखी औषधं जास्त प्रमाणात घेतल्यास लिव्हरवर गंभीर परिणाम होऊ शकतो. यामुळे थकवा, उलट्या अशी लक्षणं दिसू शकतात. डॉक्टरांच्या सल्ल्याशिवाय सतत औषधं घेणं टाळणं आवश्यक आहे.
सॉफ्ट ड्रिंक्स, केक, कँडी आणि पॅकेज्ड ज्यूसमध्ये साखरेचं प्रमाण खूप जास्त असतं. या पदार्थांमुळे नॉन-अल्कोहोलिक फॅटी लिव्हर डिसीजचा धोका वाढू शकतो. सतत अशा पदार्थांचे सेवन केल्यास लिव्हरमध्ये चरबी साचू लागते.
बाहेरचे तळलेले आणि प्रोसेस्ड पदार्थांमध्ये ट्रान्स फॅट आणि सॅच्युरेटेड फॅट मोठ्या प्रमाणात असतात. हे पदार्थ लिव्हरमध्ये सूज निर्माण करू शकतात. सतत जंक फूड खाल्ल्याने वजन वाढून फॅटी लिव्हरची समस्या निर्माण होऊ शकते.
अनेक बॉडीबिल्डिंग सप्लिमेंट्समध्ये लिव्हरला हानी पोहोचवणारे घटक असू शकतात. विशेषतः स्टेरॉईड्सयुक्त सप्लिमेंट्स शरीरासाठी गंभीर नुकसानकारक ठरू शकतात. कोणतेही सप्लिमेंट घेण्यापूर्वी तज्ज्ञांचा सल्ला घेणं आवश्यक आहे.
हे इन्फेक्शन संसर्ग वेळेवर उपचार न घेतल्यास लिव्हरचे कायमस्वरूपी नुकसान करू शकतात. सुरुवातीला लक्षणं कमी दिसत असल्यामुळे अनेकजण या आजाराकडे दुर्लक्ष करतात. लसीकरण आणि स्वच्छतेची काळजी घेतल्यास या संसर्गाचा धोका कमी होऊ शकतो.