Surabhi Jayashree Jagdish
जास्त ट्रॅफिकमध्ये गाडी वारंवार थांबवावी आणि पुन्हा सुरू करावी लागते. अशा वेळी गाडी सतत थांबणं आणि चालणे यामुळे पेट्रोलचा वापर वाढतो. सिग्नल आणि गर्दीच्या रस्त्यांवर ही गोष्ट जास्त जाणवते.
गाडी खूप जास्त वेगाने चालवल्यावर इंजिनला जास्त काम करावं लागतं. त्यामुळे कमी किंवा मध्यम वेगाच्या तुलनेत पेट्रोलचा वापर वाढू शकतो. रस्त्याची परिस्थिती आणि वेगमर्यादा लक्षात घेऊन स्थिर वेगाने गाडी चालवणं अधिक योग्य ठरतं.
गाडी चालवत नसतानाही इंजिन सुरू ठेवलं तर पेट्रोल खर्च होत राहतं. त्यामुळे एखाद्या ठिकाणी बराच वेळ थांबायचं असल्यास गरज नसताना इंजिन सुरू ठेवू नये. यामुळे विनाकारण होणारा पेट्रोलचा खर्च कमी करता येतो.
टायरमध्ये योग्य प्रमाणापेक्षा कमी हवा असल्यास रस्त्याशी टायरचा घर्षण वाढतो. त्यामुळे गाडी पुढे नेण्यासाठी इंजिनला जास्त मेहनत करावी लागते आणि पेट्रोलचा वापर वाढू शकतो. म्हणून गाडीच्या कंपनीने सांगितलेल्या प्रमाणात टायरमध्ये हवा ठेवणं महत्त्वाचं आहे.
गाडीत विनाकारण जास्त सामान ठेवल्याने गाडीचे वजन वाढतं. जड गाडी हलवण्यासाठी इंजिनला अधिक मेहनत घ्यावी लागते आणि त्यामुळे पेट्रोलचा वापर वाढू शकतो. त्यामुळे रोजच्या वापरात गरज नसलेलं जड सामान गाडीत ठेवणं टाळावं.
एसीचा सतत आणि जास्त वापर केल्यास गाडीच्या इंजिनवर अतिरिक्त भार पडू शकतो आणि मायलेजवर परिणाम होऊ शकतो. तसंच वेळेवर सर्व्हिसिंग न केल्यास गाडी आणि इंधनाचा वापर दोन्हीवर परिणाम होऊ शकतो.