Surabhi Jayashree Jagdish
आपल्या जेवणात भाकरीचा समावेश असतो. मात्र अनेकदा भाकरी भाजताना ती तव्यावर चिकटते. असं होऊ नये त्यासाठी आम्ही काही टीप्स देणार आहोत.
तवा खूप गरम किंवा खूप थंड असेल तर भाकरी चिकटते. मध्यम तापमानावर तवा नीट तापू द्या. गरज वाटल्यास तव्यावर थोडं पाणी शिंपडून तापमान बघा
भाकरीच्या आधी तव्यावर अगदी हलकं तेल किंवा तूप लावा. तेल अधिक लावू नका. यामुळे भाकरीची पहिली बाजू चिकटत नाही.
कोरडं किंवा जास्त कडक पीठ तव्याला चिकटू शकतं. पीठात गरजेनुसार कोमट पाणी घालून मऊसूत बनवा. लवचिक पीठ तव्यावर नीट राहते.
खूप कोरडं पीठ वापरल्यास तळाचा भाग कच्चा राहून चिकटू शकतो. फक्त हाताला लागेल इतकंच पीठ वापरा. अतिरिक्त पीठ तव्यावर जळून चिकटपणा वाढवतं.
भाकरी उलटायला घाई केली तर ती फाटते आणि तव्याला चिकटते. पहिली बाजू शिजून थोडी कोरडी दिसली की उलटा. योग्य वेळ दिल्यास भाकरी आपोआप सुटते.
भाकरी तव्यावर ठेवण्यापूर्वी हलक्या हाताने वरच्या बाजूला पाणी शिंपडा. यामुळे पृष्ठभाग नरम राहून चिकटपणा कमी होतो.