Dhanshri Shintre
अ‍ॅपलने आयफोन १७, आयफोन एअर आणि आयफोन १७ प्रो सिरीज सादर केली; १२ सप्टेंबरपासून प्रीबुकिंग सुरू होणार आहे.
आयफोन १७ मालिका १९ सप्टेंबरपासून विक्रीस उपलब्ध होईल; ग्राहक ई-कॉमर्स व क्विक कॉमर्स प्लॅटफॉर्मवरून सहज खरेदी करू शकतील.
ब्लिंकिटने जाहीर केले आहे की १९ सप्टेंबरपासून ग्राहक त्यांच्या प्लॅटफॉर्मवरून आयफोन १७ खरेदी करू शकतील आणि फक्त १० मिनिटांत डिलिव्हरी मिळेल.
सध्या ब्लिंकिटने आयफोन १७ वर कोणत्याही सवलतीबाबत माहिती दिलेली नाही; मात्र, कंपनी पुढील काही दिवसांत ऑफर्स जाहीर करू शकते.
कंपनीने अद्याप कोणतीही ऑफर दिलेली नाही; आयफोन १७ मालिका ८२,९०० रुपयांच्या सुरुवातीच्या किंमतीसह अधिकृतपणे लाँच करण्यात आली आहे.
२५६ जीबी व्हेरिएंटची किंमत ८२,९०० रुपये तर ५१२ जीबी मॉडेलची किंमत १,०२,९०० रुपये आहे; विक्री १९ सप्टेंबरपासून सुरू होईल.
आयफोन १७ मध्ये ६.३ इंचाचा सुपर रेटिना XDR डिस्प्ले देण्यात आला असून, यात १२०Hz रिफ्रेश रेट सपोर्टची सुविधा उपलब्ध आहे.
आयफोन १७ मध्ये ४८MP + ४८MP ड्युअल रियर कॅमेरा असून, फ्रंटला १८MP सेंटर स्टेज सेल्फी कॅमेरा उपलब्ध आहे.
आयफोन १७ ला A19 प्रोसेसरसह सुसज्ज करण्यात आले आहे. हा फोन २५६GB व ५१२GB स्टोरेज आणि ५ आकर्षक रंग पर्यायांमध्ये उपलब्ध असेल.