ब्युरो रिपोर्ट, साम टीव्ही, मुंबई
१ जुलै २०२५ पासून, इंडियन रेल्वे केटरिंग अँड टुरिझम कॉर्पोरेशन (IRCTC) च्या अकाउंटमधून तत्काळ तिकिटे बुक करण्याचे नियम बदलणार आहेत.
आयआरसीटीसी वेबसाइटद्वारेच नव्हे तर मोबाईल अॅप्लिकेशनद्वारे देखील तत्काळ तिकिटे बुक करू शकतील. पण ज्या युजर अकाउंट आधार ऑथेंटिकेटेड असेल केवळ तेच तत्काळ तिकिटे बुक करू शकतील.
IRCTC च्या सर्व युजर्सला याबाबतची माहिती ई- मेल द्वारे कळवण्यात आली आहे.
बुकिंग करताना ओळख सुनिश्चित करण्यासाठी, १५ जुलैपासून प्रत्येक तत्काळ बुकिंगसाठी आधार लिंक्ड ओटीपी प्रविष्ट करावा लागेल.
तुम्ही आधार क्रमांक वापरून आयआरसीटीसी वेब आणि आयआरसीटीसी रेल कनेक्ट मोबाईल अॅप्लिकेशन सहजपणे ऑथेंटिकेट करु शकता.
अॅप्लिकेशन उघडा आणि नंतर लॉगिन करा. आता My Account वर जा. आता तुम्हाला Authenticate User वर क्लिक करावे लागेल. यानंतर दिलेल्या सूचनांचे पालन करुन प्रक्रिया पूर्ण करा.
महत्वाची गोष्ट म्हणजे प्रक्रिया पूर्ण करण्यासाठी तुमचा मोबाईल नंबर तुमच्या आधारशी लिंक केलेला असणे आवश्यक आहे. तुम्ही IRCTC च्या अधिकृत वेबसाइट www.irctc.co.in वर लॉग इन करून आधार ऑथेंटिकेट देखील करू शकता.