Shreya Maskar
वेळास गाव हे कोकणात रत्नागिरी जिल्ह्यात लपलेले आहे. हे पर्यावरण-पूरक पर्यटन स्थळ आहे. येथे स्वच्छ किनारे, डोलणारी नारळाची झाडे आणि जवळच ऐतिहासिक बाणकोट किल्ला आहे.
अहिल्यानगर (अहमदनगर) येथे रतनवाडी गाव आहे. भंडारदराजवळ वसलेले हे गाव रतनगड किल्ल्यावर ट्रेकिंग करण्यासाठी 'बेस कॅम्प' म्हणून काम करते. दगडी घरे आणि खडकाळ भूभागामुळे या गावाचे सौंदर्य वाढते.
गणपतीपुळे हे कोकणात रत्नागिरीत आहे. हे गाव प्रामुख्याने समुद्रकिनाऱ्यावरच वसलेल्या ४०० वर्षे जुन्या 'स्वयंभू गणेश मंदिरा'साठी प्रसिद्ध आहे. येथील समुद्रकिनाऱ्यावर नदी, गणपतीच्या आकाराचा डोंगर आणि स्वच्छ निळा अरबी समुद्र यांचा एक अद्भुत संगम पाहायला मिळतो.
सिंधुदुर्ग जिल्ह्यात आंबोली गाव वसलेले आहे. धुक्याने वेढलेले, पर्यावरणपूरक आणि वनराईने नटलेले असे हे गाव आहे. प्रचंड पावसामुळे 'महाराष्ट्राचे चेरापुंजी' म्हणून ओळखले जाते.
रत्नागिरी जिल्ह्यात केळशी गाव वसलेले आहे. केळशीमध्ये सोनेरी वाळूचे किनारे आहेत. तसेच येथे जुनी मंदिरे देखील पाहायला मिळतील.
पुणे - रायगड सीमेवर राजमाची गाव आहे. हे ठिकाण ऐतिहासिक 'राजमाची किल्ल्या'साठी प्रसिद्ध आहे. पावसाळ्यात या गावाला जाणारा मार्ग धबधबे आणि हिरव्यागार दऱ्यांनी नटून एखाद्या नंदनवनासारखा भासतो.
पालघर जिल्ह्यातील वाळवंडे (वळवंडा) हे जव्हार तालुक्यातील एक गाव आहे. येथे वारली कला पाहायला मिळते. ग्रामीण जीवनशैलीचा अनुभव घ्यायचा असेल तर येथे नक्की जा.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.