Shreya Maskar
मलाना हे हिमाचल प्रदेशातील कुल्लू जिल्ह्यातील पार्वती खोऱ्यात वसलेले एक निसर्गरम्य आणि रहस्यमय गाव आहे.
मलाना गाव आपली अनोख्या संस्कृती, कडक नियम आणि जगप्रसिद्ध 'मलाना क्रीम'साठी ओळखले जाते. आयुष्यात एकदा या ठिकाणाला नक्की भेट द्या.
मलाना गाव तेथील कडक 'स्पर्श-निषेध' (नो टच रूल-no-touch) नियमासाठी प्रसिद्ध आहे. या नियमानुसार, धार्मिक पावित्र्य राखण्यासाठी बाहेरच्या लोकांना गावकऱ्यांना, घरांना, भिंतींना किंवा मंदिरांना स्पर्श करण्यास मनाई आहे. स्थानिक लोक बाहेरील व्यक्तींना 'अशुद्ध' मानतात.
जर एखाद्या पर्यटकाने हा नियम मोडला, तर शुद्धीकरण विधी करण्यासाठी त्याला २,५०० ते ३,५०० रुपयांपर्यंतचा दंड भरावा लागतो.
येथे भारतीय कायदेशीर व्यवस्थेपासून वेगळी अशी स्वतंत्र लोकशाही पद्धत पाळली जाते. गावाचे मुख्य दैवत 'जामलू देवता' हे एका पारंपरिक परिषदेच्या माध्यमातून गावाचा कारभार चालवतात. येथे सहसा पोलिसांचा हस्तक्षेप टाळला जातो आणि स्थानिक वाद आपापसातच सोडवले जातात.
'कनाशी' ही येथील स्थानिक भाषा आहे जी केवळ ग्रामस्थच बोलतात. ही एक अलिखित बोलीभाषा आहे जी, शेजारच्या कोणत्याही भाषेशी मिळतीजुळती नाही आणि ऐकायला संस्कृत व तिबेटी बोलीभाषांचे मिश्रण वाटते. बाहेरील व्यक्ती ही गुप्त भाषा वापरू शकत नाहीत किंवा शिकू शकत नाहीत.
येथील रहिवासी हे अलेक्झांडर द ग्रेटच्या सैन्यातील अशा सैनिकांचे वंशज आहेत जे तिथेच राहून गेले होते, अशी एक लोकप्रिय स्थानिक दंतकथा प्रचलित आहे.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.