Shreya Maskar
तुम्हाला परदेशातील वॉटरफॉलसारखा किंवा त्याहून सुंदर धबधब्याचा अनुभव घ्यायचा असेल तर आयुष्यात एकदा तरी दूधसागर धबधब्याला भेट द्या.
दूधसागर धबधबा गोवा आणि कर्नाटक या भारतीय राज्यांच्या सीमेवर मांडवी नदीवर वसलेला आहे. येथे निसर्गाचा सुंदर नजारा येथे पाहायला मिळतो.
दूधसागर धबधबा हा ३१० मीटर (१,०१७ फूट) उंचीवरून खाली कोसळणाऱ्या चार टप्प्यांच्या विलोभनीय प्रवाहासाठी प्रसिद्ध आहे.
वेगाने खाली येणारे पाणी दुधाच्या प्रचंड प्रवाहासारखे दिसते, म्हणूनच याला कोकणी भाषेत 'दूधसागर' (दुधाचा समुद्र) असे नाव पडले आहे.
खडकांवर आदळणाऱ्या पाण्याच्या प्रचंड वेगामुळे पांढऱ्या शुभ्र फेसाची निर्मिती होते, जी अगदी दुधासारखी दिसते.
गोवा-कर्नाटक रेल्वे मार्गावरील एक पूल थेट धबधब्याच्या समोरून जातो, ज्यामुळे येथून रेल्वेचा प्रवास करताना अतिशय सुंदर दृश्य पाहायला मिळते. हिंदी चित्रपट 'चेन्नई एक्सप्रेस'मध्ये दूधसागर धबधबा दाखवण्यात आला आहे, ज्यामुळे हे ठिकाण पर्यटकांसाठी हॉटस्पॉट बनला आहे.
दूधसागर धबधबा पश्चिम घाटातील हिरव्यागार परिसरातील 'भगवान महावीर अभयारण्य' आणि 'मोल्लेम राष्ट्रीय उद्याना'च्या आत खोलवर वसलेला आहे.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.