Surabhi Jayashree Jagdish
थंडीच्या दिवसांत स्वयंपाकात खोबरं वापरणं चविष्ट असलं तरी काही भाज्यांमध्ये ते चव बिघडवू शकतं. काही भाज्यांचा नैसर्गिक स्वाद, तिखटपणा असल्यास खोबरं घातल्याने चव बदलते.
मेथीचा नैसर्गिक किंचित कडवट आणि सुवासिक स्वाद खोबरं घातल्याने फिका पडतो. तिची मूळ चव टिकवण्यासाठी साधी मसाला फोडणी किंवा लसूण उत्तम ठरते.
पालकाचा हलका, हिरवा आणि सौम्य स्वाद खोबरं घातल्याने चव बिघडू शकते. पालकात साधा लसूण-मिरची मसाला अधिक चांगला.
शेवग्याच्या शेंगांचा नैसर्गिक स्वाद खोबरं स्वीकारत नाही. त्यामुळे भाजीची मूळ चव बदलते. हलका मसाला वापरल्यास स्वाद अधिक उजळतो.
कारल्याच्या कडवटपणाशी खोबरं अजिबात जुळत नाही. खोबरं घातल्यास कारल्याची कड चव बिघडते आणि गोडसर वास येतो. कारल्याला साधा मसाला किंवा तिखट फोडणी उत्तम लागते.
दोडका पाणचट असतो आणि खोबरं त्यात मिसळल्याने भाजी आणखी नरम व गोडसर होते. त्यामुळे त्याची हलकी चव हरवते. दोडका साध्या मसाल्यानेच छान लागतो.
भेंडीला चिकट टेक्स्चर असल्याने खोबरं घातल्यास ती अजून चिकट होते. त्यामुळे भाजीचा पोत आणि चव दोन्ही बदलतात. भेंडीला कोरडी फोडणी उत्तम जुळते.