ब्युरो रिपोर्ट, साम टीव्ही, मुंबई
२९ जानेवारीला मौनी अमावस्येच्या दिवशी महाकुंभ २०२५ चा दुसरा शाही स्नान असणार आहे.
तुम्ही देखील मौनी अमावस्येच्या दिवशी महाकुंभमध्ये शाही स्नान करणार असाल तर काही गोष्टींची विशेष काळजी घ्या.
आज आम्ही तुम्हाला महाकुंभमध्ये शाही स्नानचे काही नियम सांगणार आहोत.
धर्म विश्लेषकांच्या मते आपण शरीर स्वच्छ करण्यासाठी नव्हे तर मनातले वाईट विचार धुण्यासाठी महाकुंभमध्ये स्नान करतो.
तुम्ही महाकुंभमध्ये स्नान करायला जाणार असाल तर सर्वप्रथम घरातून स्वच्छ अंघोळ करुन जा. यामुळे कुंभची पवित्रता राखता येते.
महाकुंभमध्ये तीनवेळा डुबकी मारण्याची परंपरा आहे. पहिली डुबकी कल्याणासाठी, दुसरी डुबकी आई वडिलांच्या नावाने आणि तिसरी डुबकी गुरुंच्या नावाने करावी.
महाकुंभातून परतताना संगमाचे पाणी आणि माती घेऊन जा. असे मानले जाते की, संगमाचे माती आणि पवित्र पाणी घरात ठेवल्याने नकारात्मक उर्जा दूर होते.
मान्यतेनुसार, मौनी अमावस्येच्या दिवशी महाकुंभमध्ये चांगल्या मनाने आणि भक्तिभवाने स्नान केल्यास शुभ फल प्राप्त होते.