Manasvi Choudhary
एखादा पदार्थ तळल्यानंतर उरलेले तेल पुन्हा पुन्हा गरम केल्याने त्यात ट्रान्स फॅट्स आणि फ्रि रॅडिकल्स तयार होतात. यामुळे ॲसिडिटी, कोलेस्ट्रॉल आणि हृदयाशी संबंधित गंभीर आजार होऊ शकतात.
भाज्या चिरल्यानंतर धुतल्यास त्यातील पाण्यात विरघळणारी जीवनसत्त्वे, व्हिटॅमिन बी आणि सी निघून जातात. त्यामुळे भाज्या नेहमी कापण्यापूर्वी अखंड स्वरूपात स्वच्छ धुवाव्यात.
वाफाळते गरम अन्न किंवा वरण थेट प्लास्टिकच्या डब्यात भरल्याने प्लास्टिकमधील रसायने अन्नात मिसळू शकतात, ज्यामुळे पचनसंस्थेला आणि आरोग्याला मोठा त्रास होऊ शकतो.
भाजी वा मटण कापल्यानंतर चॉपिंग बोर्ड आणि वापरलेले लाकडी चमचे ओलेच ठेवल्यास त्यावर बुरशी आणि घातक बॅक्टेरिया वेगाने वाढतात. वापरानंतर ते नेहमी स्वच्छ धुवून कोरडे करावेत.
नॉन-स्टिक भांड्यांवर टेफ्लॉनचा थर असतो. रिकामे भांडे तीव्र आचेवर गॅसवर ठेवल्यास हा थर खराब होऊन विषारी वायू तयार होऊ शकतो. नॉन-स्टिक भांडी नेहमी मंद आचेवर वापरावीत.
वाफ निघणारे गरम अन्न थेट फ्रिजमध्ये ठेवल्याने फ्रिजचे आतील तापमान बिघडते, ज्यामुळे इतर अन्नपदार्थ खराब होण्याचा आणि बॅक्टेरिया वाढण्याचा धोका वाढतो. अन्न पूर्ण थंड झाल्यावरच फ्रिजमध्ये ठेवावे.
भाजी, फळे आणि नॉन-व्हेज (मांसाहारी पदार्थ) यासाठी एकच चॉपिंग बोर्ड वापरल्यास अन्नातून संसर्ग होण्याचा धोका कैक पटीने वाढतो
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.