Surabhi Jayashree Jagdish
फॅटी लिव्हरचा त्रास आजच्या बदलत्या जीवनशैलीमुळे झपाट्याने वाढतोय. सुरुवातीच्या टप्प्यात या आजाराची स्पष्ट लक्षणं दिसत नाहीत त्यामुळे तो बराच काळ लक्षात येत नाही. शरीरात हळूहळू चरबी साचत गेल्याने यकृताचे कार्य मंदावते.
फॅटी लिव्हर हा आजार अनेकदा कोणतीही स्पष्ट लक्षणं न देता वाढत जातो. त्यामुळे अनेक लोकांना तो उशिरा समजतो. शरीरातील चयापचय प्रक्रिया हळूहळू बिघडू लागते. भारतात सुमारे मोठ्या प्रमाणात प्रौढांना हा त्रास असण्याची शक्यता आहे.
फॅटी लिव्हरमध्ये सतत थकवा जाणवणं हे एक महत्त्वाचं लक्षण आहे. पुरेशी विश्रांती घेतल्यानंतरही शरीरात ऊर्जा जाणवत नाही. त्यामुळे दिवसभर आळस आणि जडपणा जाणवतो.
पोट आणि कंबरेभोवती चरबी वाढणे हे फॅटी लिव्हरचं लक्षण आहे. काही लोक बाहेरून सडपातळ दिसतात, पण पोटाचा घेर वाढलेला असतो. यामुळे चयापचय क्रिया बिघडण्याचा धोका असतो.
उजव्या बाजूच्या बरगडीखाली हलका जडपणा किंवा वेदना जाणवू शकते. ही वेदना तीव्र नसते पण दाब किंवा ताण जाणवल्यासारखी वाटते. लिव्हर शरीराच्या उजव्या भागात असल्यामुळे हा त्रास तिथे जाणवतो.
लिव्हर नीट काम करत नसल्यास पचनक्रियेवर परिणाम होतो. त्यामुळे हलकी मळमळ जाणवू शकते.
थोडे खाल्ल्यानंतरही पोट भरल्यासारखं वाटतं आणि भूक कमी होते.
फॅटी लिव्हरची खात्री अल्ट्रासाऊंड किंवा लिव्हर फंक्शन टेस्टने केली जाते. घरच्या घरी फक्त लक्षणांवरून अंदाज घेता येतो, पण निदान नाही. लक्षणं सतत जाणवत असल्यास त्वरित वैद्यकीय तपासणी करणं गरजेचं आहे.