Manasvi Choudhary
आपल्यापैकी अनेकजण नवीन ठिकाणी फिरायला गेल्यानंतर योग्य मार्गक्रमण करण्यासाठी गुगल मॅप्सचा वापर करतात.
पण गुगल मॅप चालवण्यासाठी मोबाईल डेटा किंवा इंटरनेट नेटवर्कची गरज असते. परंतु, जर तुम्ही एखाद्या दुर्गम - डोंगराळ भागात गेल्यास त्या ठिकाणी नेटवर्क व्यवस्थित नसते अशावेळी प्रवास करणे कठीण होते.
यासाठी आता इंटरनेटशिवाय गुगल मॅप्स कसे वापरावे? हे माहीत असणे महत्वाचे आहे यासाठी तुम्ही स्टेप बाय स्टेप प्रोसेस फॉलो करायची आहे ते जाणून घ्या.
स्मार्टफोनमध्ये Google Maps ॲप उघडा. त्यानंतर वरच्या बाजूला उजव्या कोपर्यात असलेल्या तुमच्या प्रोफाईल आयकॉन वर क्लिक करा.
प्रोफाईल उघडल्यानंतर तिथे तुम्हाला 'ऑफलाइन मॅप्स' हा पर्याय दिसेल, त्यावर क्लिक करा.
त्यानंतर तुम्हाला ज्या शहरात किंवा परिसरात प्रवास करायचा आहे, तो मॅप तुमच्या स्क्रीनवर समोर येईल त्यावर क्लिक करा.
मॅपमधील ठिकाणी नीट चेक करा. यासाठी झूम इन आणि झूम आऊट (Zoom In/Out) करा. तुम्हाला जेवढा भाग ऑफलाइन वापरायचा आहे, तो त्या चौकोनात व्यवस्थित समाविष्ट करा.
त्यानंतर स्क्रीनच्या खाली दिलेल्या 'Download' बटनावर क्लिक करा. तुमचे ठिकाण मोबाईलमध्ये सेव्ह होईल.