Manasvi Choudhary
स्वयंपाकघरातील महत्वाचे पदार्थ दिर्घकाळ साठवून ठेवण्याची मोठी जबाबदारी असते. खराब होऊ नये म्हणून ते योग्य रित्या साठवावे.
सुके खोबरे योग्य रित्या साठवून न ठेवल्यास त्याला कुबट व खऊट वास येऊ लागतो तसेच बुरशी देखील येते यासाठी खोबरे साठवून ठेवताना बारकाईने लक्ष द्यावे.
अनेकदा आपण बाजारातून खोबरे आणल्यानंतर ते तसेच डब्यात ठेवतो यामुळे खोबरे खराब होते व खऊट होऊ शकते.
बाजारातून खोबरे आणल्यानंतर ते एका ताटामध्ये ठेवून उन्हामध्ये वाळवून घ्या यामुळे खोबरे खराब होत नाही.
खोबरे दिर्घकाळ म्हणजेच महिनोनमहिने टिकवण्यासाठी ते हवाबंद पिशवीमध्ये ठेवणे गरजेचे आहे.
तुम्ही खोबरे पॅक डब्यामध्ये भरून फ्रिजमध्ये ठेवा यामुळे खोबऱ्याला बुरशी लागत नाही आणि त्याची चवही बदलत नाही.
खोबऱ्याच्या डब्यात थोडी साखर किंवा ३-४ लवंगा टाकून ठेवाव्या. लवंगाच्या वासामुळे खोबऱ्याला कीड किंवा मुंग्या लागत नाहीत.
खोबरे साठवण्याची जागा कोरडी आणि थंड असावी. गॅसच्या जवळ किंवा आर्द्रता असलेल्या ठिकाणी खोबरे ठेवू नका.