Manasvi Choudhary
हिरव्या मिरच्या जास्त दिवस ताज्या आणि टवटवीत राहण्यासाठी सोप्या टिप्स कोणत्या ते पाहूया.
हिरव्या मिरच्या देठापासून सडण्यास सुरुवात होते. त्यामुळे मिरच्या बाजारातून आणल्यानंतर सर्वप्रथम त्यांचे देठ काढून ठेवा.
मिरच्या धुतल्यानंतर सुती कापडावर पसरवून पूर्णपणे कोरड्या करा. मिरच्यांवर पाणी राहिल्याने त्या सडतील.
मिरच्या हवाबंद डब्यामध्ये ठेवल्याने अधिक काळ टिकतील.
मिरच्या साठवताना त्यात मऊ पडलेली, डागाळलेली किंवा तुटलेली मिरची असेल, तर ती बाजूला काढा. खराब मिरची डब्यातील इतर सर्व चांगल्या मिरच्यांना लवकर खराब करू शकते.
जर तुमच्याकडे हवाबंद डबा नसेल, तर तुम्ही मिरच्या टिश्यू पेपरमध्ये गुंडाळून झिपलॉक बॅगमध्ये फ्रीजमध्ये ठेवा.
मिरच्या साठवण्याच्या या ५ सोप्या पद्धती वापरल्यास मिरची अधिक ताज्या आणि टवटवीत राहतील.