ब्युरो रिपोर्ट, साम टीव्ही, मुंबई
हिरवी मिरची ही भारतीय पदार्थांमधील सर्वात महत्वाच्या घटकांपैकी एक आहे. मिरच्या स्वस्त आणि गरजेच्या असल्यामुळे मोठ्या प्रमाणात खरेदी केल्या जातात. जास्त साठा केल्यामुळे मिरच्या लवकर खराब होतात.
मिरची फ्रिजमध्ये ठेवली की 2 ते 3 दिवसांतच कोमेजते किंवा काळी पडते. मग या ट्रिक्स वापरुन मिरची न कोमेजता आणि न काळी पडता अगदी ताजीच राहील
मिरच्या धुतल्यावर ओल्या ठेवू नका. ओलसर मिरची लवकर खराब होते. त्यामुळे मिरच्या सुक्या कापडाने स्वच्छ पुसून घ्याव्या.
मिरचीच्या देठात ओलसरपणा जास्त असल्यामुळे देठ काढल्यावर मिरच्या जास्त दिवस टिकून राहते.
एअरटाइट डब्यात ठेवण्याआधी खाली पेपर टॉवेलचा वापर करा. मिरच्या पेपर टॉवेलमध्ये गुंडाळून ठेवा. पेपर टॉवेल हा मिरच्यांचा अतिरिक्त ओलावा शोषून घेतो.
मिरच्या नेहमी एअरटाइट कंटेनरमध्येच ठेवा. हवा गेली की मिरच्या पटकन कोमेजतात.
मिरच्या फ्रिजच्या मधल्या किंवा भाजीच्या ड्रॉवरमध्ये ठेवा.या भागात तापमान स्थिर असतं आणि फ्रेशनेस टिकतो.