ब्युरो रिपोर्ट, साम टीव्ही, मुंबई
अनेक भारतीय पदार्थांमध्ये आलं लसूण पेस्ट वापरली जाते. यामुळे जेवणाची चव वाढते.
दररोज आलं लसूण पेस्ट बनवण्यात वेळ जातो, यासाठी तुम्ही या सोप्या टिप्स वापरुन महिनाभरासाठी आलं लसूण पेस्ट साठवून ठेवू शकता, जाणून घ्या.
आलं -लसूण पेस्ट जास्त काळ साठवण्यासाठी तुम्ही तेल वापरू शकता. यामध्ये थोडेसे मोहरीचे तेल किंवा रिफाइंड तेल घाला. यामुळे पेस्ट लवकर काळी पडणार नाही.
आलं-लसूण ही पेस्ट नेहमी हवाबंद काचेच्या भांड्यात ठेवावी. तसेच, प्रत्येक वेळी वेगळ्या आणि स्वच्छ चमच्याने पेस्ट बाहेर काढा. पेस्ट फ्रीजमध्ये ठेवल्यास हे २ ते ३ आठवडे टिकू शकते.
तुम्ही आलं-लसूण पेस्ट बनवताना त्यात थोडे मीठ घाला. हे प्रिझर्व्हेटिव्ह म्हणून काम करेल. यामुळे बॅक्टेरिया वाढण्याचा धोका देखील कमी होईल आणि पेस्ट बराच काळ ताजी राहील.
तुम्ही आलं -लसूण पेस्टचे क्यूब बनवून ते साठवू शकता. पेस्ट बर्फाच्या ट्रेमध्ये ठेवून फ्रिजरमध्ये सेट करा. जेव्हा गरज असेल तेव्हा एक क्यूब काढून वापरा.
सर्वात महत्वाची टीप म्हणजे पेस्ट बनवताना, मिक्सर-ग्राइंडर, हात, चमचा आणि कंटेनर पूर्णपणे स्वच्छ आणि कोरडे असले पाहिजेत. थोडासा ओलावा किंवा घाण देखील पेस्ट लवकर खराब करू शकते.