Manasvi Choudhary
अनेकांना सकाळी सकाळी पोटात गॅस होणे, गॅसमुळे पोट फुग्यासारखे फुगणे, आम्लपित्ताचा त्रास होत असेल तर वेळीच काळजी घ्या
अनेकदा अन्न व्यवस्थित न पचल्यामुळे या समस्या उद्भवू शकतात. मात्र या समस्यांवर वेळीच उपाय न केल्याने आरोग्याच्या गंभीर समस्या उद्भवतात.
बदलेली जीवनशैली, तेलकट- तिखट पदार्थ खाणे, वेळेवर न खाणे ही पोटफुगी या समस्येीची प्रमुख कारणे आहेत.
अनेकदा या सर्व समस्यांवर उपाय म्हणून गोळ्या, औषधे खाल्ली जातात मात्र याचा आरोग्यावर परिणाम होतो.
पचनाच्या समस्या कमी करण्यासाठी , पोटातील गॅस बाहेर काढण्यासाठी तुम्ही घरीच सोपे उपाय करू शकता.
मेथी आणि जिरे पाण्यात रात्रभर भिजत घालून ते पाणी सकाळी कोमट करून प्या.
मेथी, जिरा पाणी प्यायल्याने पचनाशी संबंधित समस्या दूर होतात. हे पाणी शरीराला डिटॉक्सिफाय करण्यास आणि पोटातील सूज दूर करण्यास देखील मदत करते.
हे पाणी प्यायल्याने पोटातील वायू बाहेर पडण्यास मदत होते आणि छातीत जळजळ होण्यास प्रतिबंध होतो. मेथी आणि जिरे मिसळलेले पाणी पिल्याने इन्सुलिन संवेदनशीलता सुधारते आणि रक्तातील साखर नियंत्रित राहते.
बद्धकोष्ठतेपासून मुक्त होते, पोटात साचलेली घाण काढून टाकते आणि म्हणूनच हे पाणी पिल्याने तुम्हाला दिवसभर सक्रिय वाटते.