ब्युरो रिपोर्ट, साम टीव्ही, मुंबई
प्रत्येक घराच्या भिंतींवरील रंग किंवा वॉलपेपरमुळे घर अधिक सुंदर दिसते. पण जर भिंतींवर डाग पडले असतील, तर ते चांगले दिसत नाही.
मुले अनेकदा पेन, पेन्सिल किंवा क्रेयॉन्सने घराच्या भिंतींवर चित्रे काढतात. यामुळे भिंतींवर डाग पडतात आणि घराचे एकूण सौंदर्य बिघडते.
भिंतीला पुन्हा रंग दिल्यास डाग निघून जातील, पण जर तुमच्याकडे पुन्हा कलर देण्यास वेळ नसेल, तर तुम्ही काही पद्धती वापरून ते स्वच्छ करू शकता.
सर्वप्रथम, भिंतीवरील डाग नेल पॉलिश रिमूव्हरने स्वच्छ करा. कापसाच्या बोळ्यावर थोडे नेल पॉलिश रिमूव्हर घेऊन डागावर लावा आणि काही वेळ तसंच ठेवून द्या.
मग बेकिंग सोडा, सफेद टूथपेस्ट, लींबाचा रस, डिश लिक्विड आणि व्हिनेगर मिक्स करुन पेस्ट तयार करा.
आता ही पेस्ट स्पंजवर घेऊन भिंतीवर चोळा. सर्व डाग निघून जातील.
भिंत स्वच्छ झाल्यावर, सुक्या कापडाने किंवा नॅपकिनने ती स्वच्छ पुसून घ्या.
अशा प्रकारे तुम्ही भिंत पूर्णपणे स्वच्छ आणि अगदी नवीन दिसणारी बनवू शकता.
वॉलपेपर लावलेल्या किंवा इतर प्रकारची फिनिशिंग असलेल्या भिंती या पद्धतीने स्वच्छ करू नका. ही पद्धत फक्त रंगवलेल्या भिंतींवरच काम करेल.