ब्युरो रिपोर्ट, साम टीव्ही, मुंबई
महिला अनेक फंक्शनसाठी किंवा काही जणी आवड म्हणून मेहंदी लावतात. पण अनेकदा मेहंदी लावताना ती नखांवर देखील लागली जाते.
मेहंदीचा लाल रंग जर नखांवर लागला तर, तो लवकर निघत नाही. त्यामुळे हाताचा संपूर्ण लूक खराब दिसू लागतो.
जर तुमच्या मेहंदीचा रंग देखील नखांवर चढत असेल तर, काही घरगुती उपायांचा वापर करु शकता.
नारळ तेल लावून नखांवर चढलेला मेहंदीचा रंग तुम्ही मिनिटांत घालवू शकता. करा या स्टेप्स फॉलो
एका भांड्यात थोडे पाणी गरम करा. पाण्यात नारळ तेल टाका आणि नंतर गरम पाण्यामध्ये १० मिनिटे हाथ टाकून बसा.
१० मिनिटांनंतर तुमच्या नखांवरील मेहंदीचा रंग निघून जाईल. ही ट्रिक केसांवरील डाय काढण्यासाठी देखील उपयोगी येईल.
तसेच तुम्ही लिंबू आणि साखरेचा स्क्रब बनवून नखांवर लावू शकता.
साखरेला बारिक करुन एका वाटित ठेवा आणि त्यात लिंबाचा रस मिक्स करा. हा स्क्रब हलक्या हाताने नखांवर लावा.
या स्क्रबमुळे नखांसोबतच हात देखील स्वच्छ होतील. हातांवरील टॅनिंग दूर होण्यास मदत होईल.