Sakshi Sunil Jadhav
कधी तरी आरशासमोर जास्त वेळ घालवून किंवा सलूनमध्ये चुकीच्या ट्रिमिंगमुळे भुवया जास्त प्लक होतात. त्याने तुमचा चेहरा वेगळा दिसतो.
आता काळजी करू नका! थोडा संयम आणि योग्य काळजी घेतल्यास त्या पुन्हा नैसर्गिकपणे वाढवता येतात. त्यासाठी तुम्हाला पुढील काही सोपे उपाय करावे लागतील. त्याने काहीच दिवसात तुमचे आयब्रो जाड होतील.
भुवया जास्त प्लक झाल्या असतील, तर सर्वात आधी पिन्सेट बाजूला ठेवा. नवीन केस वाढण्यासाठी त्यांना वेळ द्या. कमीत कमी 3 ते 4 महिने कोणताही प्लकिंग टाळा. कारण हे केस वाढायला वेळ हवा असतो.
बायोटिनयुक्त ग्रोथ सिरम जसे Vegamour vegaBROW Volumizing Serum हे भुवयांची जलद गतीने वाढ होण्यासाठी मदत करतं. हे नैसर्गिक घटकांपासून बनलेले असल्याने जास्तवेळ टिकतं आणि लवकर परिणाम होतो.
भुवयांच्या त्वचेवर दररोज रात्री कॅस्टर ऑइल, बदाम तेल किंवा नारळ तेल कापसाने लावा. त्यामुळे केस तुटणे व गळणे कमी होते आणि वाढ नैसर्गिक राहते.
रोझमेरी तेल केसांच्या मुळांपर्यंत रक्तपुरवठा वाढवतं. त्यामुळे नवीन केस वाढतात आणि भुवया दाट होतात.
दररोज काही वेळा स्वच्छ स्पूली ब्रशने भुवया ब्रश करा. यामुळे रक्ताभिसरण सुधारते आणि केसांना पोषण मिळतं.
दररोज पुरेसे पाणी प्या. तसेच व्हिटॅमिन A, B6, C, E आणि पौष्टीक अन्न खा. जसे की अंडी, सुकामेवा, गाजर आणि हिरव्या भाज्या. हे केसांच्या वाढीसाठी फायदेशीर ठरेल.
अल्कोहोलयुक्त आयब्रो जेल्स, जड वॅक्स पेंसिल्स किंवा क्लॉगिंग करणारे मेकअप प्रोडक्ट्स वापरू नका. ही उत्पादने केस कमकुवत करतात आणि वाढ थांबवतात.
आयब्रो करताना ब्रोज पावडर वापरा. हे केसांना नुकसान न करता नॅचरल लुक देतात. पॅराबेन आणि सल्फेटमुक्त प्रोडक्ट्स निवडा.