Saam Tv
बारीक सारीक केस सौंदर्यात बाधा आणतात. विशेषत: स्त्रीयांना याचा त्रास होतो. काहींना ते चांगले वाटतात, तर काही त्यांना काढण्यासाठी दर महिन्याला पार्लरच्या चकरा मारतात. वॅक्सिंगच्या त्या केमिकल्समुळे त्वचेची हळू हळू हानी होत जाते.
काही घरगुती उपाय करून त्वचेची वाट न लावता पार्लरच्या फेऱ्या न मारचा घरीच पार्लरसारखी वॅक्सिंग करू शकता.
ओट्सच्या जाडसर पीठात पिकलेले केळे स्मॅश करावे. पॅक थोडा सुकल्यानंतर चेहऱ्याला १५ मिनिटे मसाज करून लावा. कोरडा झाल्यावर उलट दिशेने खेचा.
२ चमचे बेसन,चिमुटभर हळद आणि दूध किंवा गुलाबपाणी मिसळून पेस्ट तयार करा . पॅक चेहऱ्यावर सुके पर्यंत असू द्यावे. सुकल्यानंतर उलट दिशेने काढा.
साखर,मध आणि लिंबाचा रस एकत्र करून हलके वितळेपर्यंत गरम करा. थंड झाल्यावर लावा आणि कॉटन स्ट्रिपच्या मदतीने काढून घ्या. यामुळे बारीक केसही सहज निघून जाते.
कच्च्या पपईचा गर आणि चिमूटभर हळद मिसळून १५ - २० मिनिटे त्वचेवर ठेवा. नियमित वापर केल्यास केसांची वाढ मंदावण्यास मदत होते.
अंड्याचा पांढरा भाग, कॉर्नफ्लॉवर आणि साखर मिसळून मास्क तयार करा. १० मिनिटे चेहऱ्यावर असू द्या. सुकल्यावर हळूवार काढा.
केस काढल्यानंतर अॅलोवेरा जेल किंवा इतर प्रकारच्या मॉइश्चरायझर लावल्याने त्वचा मऊ राहते आणि जळजळ कमी होण्यास मदत होते.
काहींच्या त्वचेवर या घरगुती उपायांचा देखील घातक परिणाम होऊ शकतो, त्यामुळे कोणताही पॅक वापरण्यपुर्वी छोट्या भागवर पॅच टेस्ट करून पहा.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.