Manasvi Choudhary
होळी हा रंगाचा सण आहे आज धुलिवंदननिमित्त सर्वंत्र रंगाची उधळण सुरू आहे.
होळी या सणाला रंग एकमेकांना लावून आनंद साजरा केला जातो.
मात्र यावेळी केस आणि त्वचेची विशेष काळजी घेतली जाते.
डोळ्यात कोणतीही गोष्ट गेल्यास लगेच डोळ्यात खाज किंवा जळजळ सुरू होते. अनेक लोक डोळ्यांमध्ये रंग गेल्यास डोळे चोळतात, पण असे करू नका.
डोळे चोळल्याने रंग आणखी डोळ्यात जाऊ शकतो. ज्याचा तुमच्या डोळ्यांवर गंभीर परिणाम होऊ शकतो. डोळे चोळल्यास लाल होऊन त्यावर सुज येऊ शकते.
डोळ्यांची जळजळ आणि थकवा दूर करण्यासाठी काकडीचा वापर करू शकता. काकडीचे पातळ काप डोळ्यांवर 10 ते 15 मिनिटं ठेवावे. यामुळे डोळ्यांना थंडावा मिळेल.
डोळ्यांची होणारी जळजळ कमी करण्यासाठी बर्फाचा वापर करू शकता. यासाठी बर्फाचा तुकडा घेऊन तो सुती कापडामध्ये ठेऊन डोळ्यांना लावावा. यामुळे डोळ्यांना थंडावा मिळतो.
अनेक रंग हे केमिकलयुक्त असतात. असे रंग डोळ्यात गेल्यास गुलाब जलमध्ये कापुस भिजवून डोळ्यांवर ठेऊ शकता.
जर होळीचे रंग चुकून डोळ्यात गेल्यास सर्वात पहिले टिश्यू पेपर किंवा मुलायम कापडाने डोळ्यांभोवतीचा रंग पुसून घ्यावा. यानंतर डोळे लगेच थंड पाण्याने धुवावेत.
येथे दिलेली माहिती ही सामान्य ज्ञानावर आधारित आहे अधिक माहितीसाठी योग्य मार्गदर्शक सल्ला घ्या