Saam Tv
किचनमध्ये भांडी घासणे सोपे असते पण चॉकअप झालेले सिंक साफ करण म्हणजे मोठी डोकेदुखी. उरलेले अन्नाचे कण,चहापत्ती,छोटे छोटे भाज्यांचे तुकडे ड्रेनेजमध्ये साचत जातात. काही दिवसातच सिंक चॉकअप होतं.
मग त्यातून येणारी दुर्गंधी ती वेगळीच. पण आता घरातच असलेल्या काही गोष्टींच्या मदतीने सिंक चुटकीसरशी स्वच्छ करता येईल कसं? जाणून घ्या.
सिंकमधले पाणी काढून त्यात एक कप बेकिंग सोडा टाका. त्यानंतर लगेचच पांढरे व्हिनेगर ओाता. या दोन्ही गोष्टी मिसळतील आणि फेस तयार होईल. फेस तयार झाला की ड्रेनवर १५- २० मिनिटे झाकण ठेव. गरम पाणी ओता. यामुळे घाण एकदम स्वच्छ होईल.
सिंक चॉकअप हे अनेक वेळा तेलामुळे होतात. सिंकमध्ये ३-४ चमचे डिशवॉश सोप टाका. त्यानंतर ड्रेनवर उकळते पाणी ओता. यामुळे सगळी घाण निघून जाईल.
चॉकअप झालेले सिंक मोकळे करण्यासाठी मीठ आणि बेकिंग सोडा हा उत्तम पर्याय आहे. मिक्स केलेले मीठ आणि बेकिंग सोडा सिंकमध्ये ओता. रात्रभर तसेच ठेवून सकाळी गरम पाणी ओता.
कोणतेही उपाय काम करत नसतील तर स्पलंजरच्या मदतीने घाण स्वच्छ करू शकता. सिंकमध्ये गरम पाणी ओतून जोर लावून पंप वर- खाली करा . घाण स्वच्छ होईल.
जास्त चॉकअप असल्यास कास्टिक सोड्याचा तुम्ही वापर करू शकता. पाण्यात मिसळून सिंकमध्ये टाका आणि काही वेळानंतर त्यावर पाणी ओता. हा सोडा हाताळताना प्रचंड काळजी घ्या.
चॉकअप टाळण्यासाठी जाळीचा वापर करा. कचरा टाकू नका. तेल आणि तूप सिंकमध्ये टाकणे टाळा.