ब्युरो रिपोर्ट, साम टीव्ही, मुंबई
दही हे आरोग्यासाठी फायदेशीर मानले जाते. तसेच पचनासाठी हे उपयुक्त असून रोजच्या आहारात महत्त्वाचे आहे. घरी बनवलेले दही शुद्ध आणि चविष्ट असते.
एक मोठे भांडे घ्या त्यात दूध गरम करण्यास ठेवावे. दूध मध्यम आचेवर चांगले उकळून घ्या. जाडसर हवे असल्यास मंद आचेवर १५ ते २० मिनेटे उकळून घ्या. दूध नीट उकळले की गॅस बंद करा.
दूध खूप गरम नसावे. बोट घातल्यावर सहन होईल इतके कोमट असावे.
एका वाटीत फ्रेश विरजण घेऊन ते चांगले फेटून घ्या. फेटून घेतलेले विरजण कोमट दुधात टाकून हलक्या हाताने मिक्स करुन घ्या.
आता तयार केलेल्या मिश्रणाच्या भांड्यावर झाकण ठेवून ते उबदार ठिकाणी सेट होण्यासाठी ठेवून द्या.
रात्रभर दही सेट होण्यास ठेवावे. ६ ते ८ तासांत दही घट्ट बसते. हिवाळ्यात दही घट्ट बसण्यास थोडा जास्त वेळ लागू शकतो.
दही घट्ट झाल्यावर ते फ्रिजमध्ये ठेवावे. त्यामुळे दह्याचा आंबटपणा वाढत नाही.
जास्त विरजण घातल्यास दही आंबट होते. तसेच दूध पूर्ण जाड असेल तर दही जास्त घट्ट बसण्यास मदत होते.