ब्युरो रिपोर्ट, साम टीव्ही, मुंबई
१ कप पोहे, मिक्स भाज्या (बीन्स, गाजर, शिमला मिरची आणि वाटाणे), १ बारीक चिरलेला कांदा, बारीक चिरलेली हिरवी मिरची, कोथिंबीर,कढीपत्ता, मोहरी , हळद, मीठ, साखर, लिंबाचा रस, शेव आणि तेल.
एका कढईत तेल गरम करा. यात सुकलेली लाल मिरची, मोहरी कढीपत्ता, कांदा आणि हिरवी मिरची घालून परतून घ्या.
आता, यामध्ये मिक्स भाज्या घाला आणि त्या मऊ होईपर्यंत शिजवा. चव वाढवण्यासाठी शिजवताना थोडे मीठ घाला.
पोहे स्वचछ धुवून एका ताटात मोकळे ठेवा, नंतर कढईमध्ये घालून मिक्स करुन घ्या.
पोहेमध्ये चवीनुसार मीठ घाला आणि चिमूटभर साखर आणि हळद घाला. सर्वकाही व्यवस्थित मिक्स करा. आणि दोन मिनिटांसाठी शिजवा.
यानंतर गॅस मंद आचेवर ठेवा. यामध्ये लिंबाचा रस घालून पोहे हलक्या हाताने मिसळा.
हेल्दी आणि टेस्टी व्हेजिटेबल पोहा तयार आहे. शेव आणि चिरलेली कोथिंबीर घालून सजवा. आणि गरमागरम सर्व्ह करा.