Siddhi Hande
संध्याकाळी आपल्याला अनेकदा काहीतरी चटपटीत खावंसं वाटतं. यासाठी तुम्ही छान चना कोळीवाडा बनवू शकतात.
काबूली चणे, तेल, आलं-लसूण पेस्ट, मीठ, हळद, जिरे पूड, गरम मसाला, चाट मसाला, लाल मिरची पावडर, बेसन आणि तांदळाचे पीठ
सर्वात आधी तुम्हाला काबुली चणे स्वच्छ धुवून घ्यायचे आहे. यानंतर ५ तास भिजत ठेवायचे आहे.
यानंतर तुम्हाला कुकरमध्ये काबुली चणे उकडवून घ्यायचे आहेत. हे चणे जास्त शिजणार नाही याची काळजी घ्या.
यानंतर एका भांड्यात गरम तेल घ्या. त्यात आलं-लसूण पेस्ट, हळद, जिरे पूड, गरम मसाला,घरचा मसाला आणि मिरची पावडर टाकून मिक्स करा.
यानंतर तुम्हाला या मसाल्यात बेसन आणि तांदळाचे पीठ टाकून मिक्स करायचे आहे.
यानंतर या मिश्रणात काबुली चणे टाका. किंवा काबुली चण्यांवर हे मिश्रण छान लावून घ्या.
यानंतर एका बाजूला कढईत तेल गरम करण्यासाठी ठेवा. तेलाला छान उकळी येऊ द्या.
या तेलात हे चणे एकेक करुन सोडा. यानंतर हे चणे छान कुरकुरीत होईपर्यंत तळून घ्यायचे आहेत.