Manasvi Choudhary
पुलाव किंवा बिर्याणी म्हटलं तर सर्वांच्याच तोंडाला पाणी सुटतं. रोजच्या पेक्षी वेगळा, चविष्ट भात खायला सर्वांना आवडतो.
हॉटेलला गेल्यानंतर आपण पुलाव खातो. मात्र आज आम्ही तुम्हाला घरच्या घरी सोयाबीन पुलाव कसा बनवायचा ही रेसिपी सांगणार आहे.
सोयाबीन पुलाव बनवण्यासाठी बासमती तांदूळ, मिक्स भाज्या, तूप, तेल, तेजपत्ता, स्टार फूल, लवंग, काळी मिरी, कांदे, मसाला वेलची आणि सोयाबीन हे साहित्य घ्या.
सर्वप्रथम तांदूळ स्वच्छ धुवून घ्या नंतर सोयाबीन गरम पाण्यात १० मिनिटे भिजवा. ते मऊ झाल्यावर हाताने पिळून त्यातील सर्व पाणी काढून टाका.
कुकरमध्ये तूप किंवा तेल गरम करा. गरम झाल्यावर त्यात सर्व तमालपत्र, दालचिनी, वेलची, लवंग घाला आणि तेलात परतून घ्या. त्यात उभा चिरलेला कांदा चांगला सोनेरी रंग होईपर्यंत परतून घ्या
मसाले परतून घ्या
मिश्रणात आले-लसूण पेस्ट आणि टोमॅटो चांगला शिजवून घ्या नंतर या मिश्रणात भिजवलेला तांदूळ घाला. तांदूळ हळूवारपणे १ मिनिट परतून घ्या नंतर त्यात सोयाबीन घाला आणि परतून घ्या
नंतर कुकरचे झाकण लावा आणि मध्यम आचेवर २ शिट्या होऊ द्या दोन शिट्या झाल्यावर गॅस बंद करा. अशाप्रकारे घरच्या घरी सोयाबीन पुलाव तयार होईल.