Sakshi Sunil Jadhav
साउथ इंडियन सांबार हा प्रत्येक घरातील अविभाज्य पदार्थ मानला जातो. डाळ, भाज्या आणि खास मसाल्यांच्या सुगंधाने भरलेला हा सांबार चवीलाही अप्रतिम असतो.
बाजारातील सांबार मसाला चांगला मिळतोच पण घरच्या घरी बनवलेला होममेड सांबार मसाला मात्र ताजा, सुगंधी आणि पूर्णपणे नैसर्गिक असतो. यामुळे सांबारची चव अनेक पटींनी वाढते. सांबार मसाल्यासाठी बायडगी किंवा काश्मिरी सुकी लाल मिरची वापरल्यास रंग आणि चव उत्तम येते.
दोन्ही डाळी मंद आचेवर हलके भाजल्याने मसाल्याला दाटपणा आणि सुंदर टेक्स्चर मिळते.
धने आणि जिरे भाजताना त्यांचा सुगंध उठू लागतो. हे सांबारची मूलभूत चव ठरवतात.
मेथी दाणे जास्त वापरल्यास सांबार कडवट होऊ शकते. त्यामुळे यांचे प्रमाण नियंत्रित ठेवा.
मिरी आणि लवंगामुळे सांबार मसाल्याला हलका तिखटपणा आणि मसालेदार सुगंध मिळतो.
हिंग आणि हळद भाजू नये. सर्व भाजलेले साहित्य थंड झाल्यावर शेवटी हळद आणि हिंग मिसळा.
गरम साहित्य वाटल्यास त्यात ओलावा जमा होऊ शकतो. त्यामुळे मसाला खराब होण्याची शक्यता असते. सर्व भाजलेले साहित्य एकत्र करून मिक्सरमध्ये बारीक, सुसंगत पावडर तयार करा.