Manasvi Choudhary
खिचडी हा पचायला हलका, पौष्टिक आणि झटपट तयार होणारा पदार्थ आहे. लहानांपासून ते मोठ्यापर्यंत सर्वांनाच मसाला खिचडी खायला आवडते.
मसाला खिचडी बनवण्याची रेसिपी अत्यंत सोपी आहे. तुम्ही घरीच सोप्या पद्धतीने मसाला खिचडी बनवू शकता.
मसाला खिचडी बनवण्यासाठी तांदूळ, मुगाची डाळ, कांदा, टोमॅटो, बटाटा, मटर, आले- लसूण पेस्ट, हळद, मसाला, तूप, तेल, जिरे, मोहरी, हिंग आणि गरम मसाला हे साहित्य एकत्र करा.
मसाला खिचडी बनवण्यासाठी तांदूळ आणि मुगाची डाळ एकत्र करून स्वच्छ धुवून घ्या आणि १०-१५ मिनिटे भिजत ठेवा.
गॅसवर कुकरमध्ये तूप किंवा तेल गरम करा. त्यात मोहरी, जिरे, हिंग, कढीपत्ता आणि लवंग घालून फोडणी द्या
या मिश्रणात बारीक चिरलेला कांदा घालून गुलाबी होईपर्यंत परता. त्यानंतर आले-लसूण पेस्ट आणि टोमॅटो घालून मऊ होईपर्यंत शिजवा.
हळद, लाल तिखट आणि गरम मसाला घालून मिक्स करा. त्यानंतर बटाटा आणि मटार घालून १ मिनिट परतून घ्या
संपूर्ण मिश्रणात भिजवलेली डाळ आणि तांदूळ कुकरमध्ये घालून मसाल्यासोबत व्यवस्थित मिक्स करा नंतर चवीनुसार मीठ आणि गरम पाणी मिक्स करा.
कुकरचे झाकण लावून मसाला खिचडी शिजवून घ्या. खिचडीवर कोथिंबीर घालून सर्व्हसाठी तयार करा.