Manasvi Choudhary
पनीर चिली खायला सर्वांनाच आवडते.
पनीर चिली घरी बनवण्याची रेसिपी जाणून घ्या.
पनीर चिली बनवण्यासाठी पनीर, शिमला मिरची, कांदे, कॉर्न फ्लोअर, मैदा, मीठ, लाल रंग, काळी मिरी पावडर, लसूण, हिरवी मिरची, व्हिनेगर, सोया सॉस, शेजवान सॉस, टोमॅटो सॉस, पाणी आणि तेल हे साहित्य घ्या.
सर्वप्रथम पनीर, शिमला मिरची, कांदा चौकोनी आकारात कापून घ्या.
नंतर एका भांड्यात कॉर्न फ्लोअर, मैदा, मीठ, काळी मिरी पावडर, लाल रंग आणि पाणी मिक्स करून घ्या.
नंतर या मिश्रणात पनीरचे तुकडे घाला आणि गॅसवर कढईत गरम तेलामध्ये तळून घ्या.
पनीरचे तळलेले तुकडे थंड करा. गॅसवर कढईत गरम तेलामध्ये बारीक चिरलेला लसूण आणि मिरची परतून घ्या.
नंतर यामध्ये कांदा आणि शिमला मिरची परतून घ्या.
संपूर्ण मिश्रणात व्हिनेगर आणि सॉस घालून मिश्रण एकजीव करा नंतर पाणी आणि मीठ घाला.
मिश्रणात कॉर्न फ्लोअर आणि पाणी घालून मिश्रण चांगले ढवळून घ्या.
अशाप्रकारे सर्व्हसाठी पनीर चिली तयार आहे.