Saam Tv
अॅलोवेरा हे चेहऱ्यासोबतच केसांसाठी देखील अत्यंत गुणकारी मानले जाते. अॅलोवेरा किंवा त्याचे मिश्रण केसांना लावल्याने चिकट, तेलकट झालेले केस सिल्की होण्यास मदत होते.
नारळाचे तेल हे केसांना पोषक तत्त्वे पुरवते आणि ते मॉइश्चरायझरसारखे काम करते. २ चमचे अॅलोवेरा जेलमध्ये १ चमचा नारळाचे तेल मिक्स करा. पुढे ३० मिनिटे लावून शॅम्पूने केस स्वच्छ धुवा.
कोरड्या आणि निस्तेज केसांसाठी अॅलोवेरा, दही, मध यांची पेस्ट ओल्या केसांवर लावा. यामुळे तुमचे केस मऊ आणि हेल्दी दिसतील.
अॅलोवेराच्या गराची पातळ पेस्ट करा. ही पेस्ट संपूर्ण स्कॅल्पला व्यवस्थित लावा. ताज्या अॅलोवेराचा जेल केसांना लावून केसातील कोंडा कमी करण्याचा हा उत्तम उपाय आहे.
अॅलोवेरा आणि पिकलेल्या केळ्याचा हेअर मास्क कोरड्या आणि फ्रिजी केसांसाठी अत्यंत गुणकारी आहे. यामुळे केसांना खोलवर पोषण आणि मऊपणा मिळतो. हे मिश्रण केसांवर ३० मिनिटे ठेवावे.
रात्रभर भिजवलेली मेथी, कडीपत्ता आणि अॅलोवेरा जेल यांचे मिश्रण केसांना लावल्याने केस गळती थांबून केसांना ग्लास -लाईक शाईन मिळते.
जर तुम्ही थेट झाडाचे ताजे कोरफडीचे पान वापरत असाल, तर ते कापल्यानंतर काही वेळ उभे ठेवा जेणेकरून त्यातील पिवळा द्राव निघून जाऊदेत , कारण यामुळे काहींना खाज सुटू शकते.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.