Manasvi Choudhary
मेथीचे लाडू आरोग्यासाठी अत्यंत पौष्टिक म्हणून खाल्ले जातात. वर्षाच्या बाराही महिने या लाडूचे सेवन केले जाते.
मेथीचे लाडू बनवण्याची रेसिपी अत्यंत सोपी आहे. तुम्ही घरच्या घरी १० मिनिटांत हे लाडू बनवू शकता.
लाडू बनवण्यासाठी मेथीचे दाणे, गव्हाचे पीठ, दूध, बदाम, डिंक, गूळ, तूप, सुंठ, वेलची पावडर हे साहित्य एकत्र घ्या.
सर्वातआधी मिक्सरच्या भांड्यात मेथीच्या दाण्यांची बारीक पावडर करा.
नंतर दुसऱ्या एका भांड्यात दुधामध्ये बारीक केलेली पावडर रात्रभर भिजत घाला यामुळे मेथीचा कडवटपणा कमी होतो.
त्यानंतर गॅसवर पॅनमध्ये गरम तूप घ्या त्यात भिजवलेल्या मेथीच्या दाण्याचे मिश्रण मिक्स करा आणि चांगले परतून घ्या.
नंतर एका ताटात हे मिश्रण थंड करा. पॅनमध्ये तूप टाकून डिंक तळून घ्या नंतर डिंकाची पावडर करा.
पॅनमध्ये गव्हाचे पीठ चांगले भाजून घ्या नंतर यात मेथीचे मिश्रण आणि डिंक मिक्स करा.
संपूर्ण मिश्रण चांगले एकजीव झाल्यास एका प्लेटमध्ये काढा. पॅनमध्ये गूळ घाला. गूळ वितळला की त्यात वेलची पावडर मिक्स करा.
संपूर्ण मिश्रण एकजीव करा आणि चांगले वाफवून घ्या. मिश्रण गरम असतानाचा त्याचे बारीक बारीक गोल लाडू वळून घ्या.