Manasvi Choudhary
मटकीची भाजी खायला सर्वानाच आवडते. अत्यंत चविष्ट आणि झटपट बनणारी ही भाजी आहे.
मटकीची रस्सा भाजी बनवण्याची रेसिपी अत्यंत सोपी आहे. तुम्ही घरीच सोप्या पद्धतीने ही रेसिपी बनवू शकता.
मटकीची भाजी बनवण्यासाठी मटकी, सुके खोबरे, कांदे, लसूण, कोथिंबर, तेल, जिरे, कढीपत्ता, हिंग, काळा मसाला, हळद, मीठ हे साहित्य एकत्र करा.
मटकीची भाजी बनवण्यासाठी सर्वात आधी एका पातेल्यात थोडे तेल, हळद आणि मीठ टाकून अर्धा कप पाण्यात ५ मिनिटे वाफवून घ्या.
गॅसवर दुसऱ्या बाजूला तव्यावर कांदा उभा चिरून काळा होईपर्यंत भाजून घ्या. यात सुके खोबरेही तांबूस-काळे होईपर्यंत भाजा. आता भाजलेला कांदा, खोबरे, आले, लसूण आणि कोथिंबीर हे सर्व एकत्र करून मिक्सरमध्ये बारीक वाटून घ्या
गॅसवर कढईत गरम तेलामध्ये जिरे, हिंग, मोहरी आणि कढीपत्ता याची फोडणी द्या मिश्रणात वाटण परतून घ्या.
मसाल्यात हळद आणि तुमचा घरगुती काळा मसाला घाला. १ मिनिट परता जेणेकरून मसाल्याचा सुगंध सुटेल.
आता वाफवलेली मटकी या मसाल्यात घालून मिक्स करा. भाजी शिजण्यासाठी यात गरम पाणी मिक्स करा आणि नंतर चवीसाठी मीठ टाका.