Manasvi Choudhary
रोजच्या जेवणाला तोंडी लावण्यासाठी भरलेली मिरची अनेकजण खातात. अस्सल गावरान स्टाईल भरलू मिरची घरी बनवण्याची रेसिपी सोपी आहे.
भरलेली मिरची बनवण्यासाठी मिरची, शेंगदाणे कूट, लसूण पाकळ्या, कोथिंबीर हळद, मसाला, धनापावडर, गरम मसाला, मीठ आणि तेल हे साहित्य एकत्र करा.
मिरच्या स्वच्छ धुवून कोरड्या करून घ्या. त्यानंतर सुरीने मिरचीला मधून उभी चीर द्या. जर तुम्हाला जास्त तिखट नको असेल, तर मिरचीतील बिया काढून टाका.
एका मोठ्या वाटीत शेंगदाण्याचा कूट घ्या. त्यात ठेचलेला लसूण, कोथिंबीर, हळद, धने-जीरे पूड, गरम मसाला, मीठ मिक्स करा
तयार केलेले सारण प्रत्येक मिरचीमध्ये दाबून व्यवस्थित भरा. मसाला बाहेर येणार नाही याची काळजी घ्या.
गॅसवर कढईत तेल गरम झाले की त्यात चिमूटभर मोहरी आणि हिंग टाका. आता भरलेल्या मिरच्या तेलात सोडा. गॅसची आच मंद ठेवा.
मिरच्यांवर झाकण ठेवा आणि २-३ मिनिटे वाफ काढा. त्यानंतर झाकण काढून मिरच्या दोन्ही बाजूने परतून घ्या