Shruti Vilas Kadam
कितीही छत्री, रेनकोट घातला तरी आपण पावसात भिजतोच,त्याच पावसाच्या पाण्यासोबत आपला मेकअप देखील निघून जातो. चेहरा खराब होतो त्याचसोबत सगळा मेक-अप वाया जातो.
पावसाळ्यातही मेकअप जसाच्या तसा टिकवून ठेवायचा असेल तर या काही ट्रिक्स नक्की फॉलो करा.
पावसाळ्यात मेकअप करण्याआधी सगळ्यात आधी चेहरा स्वच्छ धुवा. पावसाळ्यात अनेक बॅक्टेरिया पसरलेले असतात. त्यामुळे अँटी बॅक्टेरिअल फेसवॉशने चेहरा धुणे उत्तम.
चेहरा धुतल्यानंतर मॉश्चराइझर लावा. मेकअप खूप वेळ टिकण्यासाठी लाँग लास्टिंग प्राइमर लावा.
बेस्ट ऑईल - फ्री आणि वॉटरप्रुफ फाउंडेशन लावा ज्यामुळे मेकअप लवकर पाण्याने निघू शकणार नाही.
पावसाळ्यात वॉटरप्रुफ काजळ आणि मस्कारा, आयलाईनरचा वापर करावा ज्यामुळे पाण्याने पुसटले जाण्याची भीती राहणार नाही.
मेकअप जास्त वेळ टिकावा आणि व्यवस्थित सेट व्हावा म्हणून त्यावर सेंटिग स्प्रेचा वापर करा.
लिपस्टिक लावण्याआधी ओठांना व्यवस्थित मॉश्चराइझ करा. मग लाँग लास्टिक वॉटरप्रुफ लिपस्टिकचा वापर करा.
असा वॉटरप्रुफ मेकअप केल्यानंतर चेहऱ्यावरील पावसाचे पाणी पुसण्यासाठी ब्लॉटिंग पेपरचा वापर करावा. यामुळे मेकअप पुसला न जाता चेहरा व्यवस्थित पुसला जाईल.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.