Sakshi Sunil Jadhav
हिवाळ्यात किंवा हवामान बदलाच्या काळात सर्दी-खोकल्याचा त्रास वाढतो. अशावेळी घरच्या घरी बनवता येणारे आणि शरीराला लगेच आराम देणारे 'आमसूल सार' अतिशय फायदेशीर ठरते. पारंपरिक पद्धतीने तयार होणारे हे सार पचन सुधारते, सर्दी कमी करते.
आमसूल 8 ते 9, ओलं खोबरं अर्धी वाटी, गूळ 1 वाटी, लसणाच्या पाकळ्या 7 ते 8, लाल तिखट चवीनुसार, जिरं 1/2 चमचा, हिंग ,हळद 1/2 चमचा, तूप 1 चमचा, कोथिंबीर इ.
आमसूलाच्या बिया काढून ते वाहत्या पाण्याने नीट धुवून घ्या. यामुळे त्यातील धूळ व आंबटपणा योग्य प्रमाणात राहतो.
थोडेसे तूप किंवा तेल गरम करून त्यात जिरं, हिंग घाला. फोडणीची सुवासिकता साराची चव वाढवते. Amsul Sar RecipeAmsul Sar Recipe
ठेचलेला लसूण पॅनमध्ये घालून सोनेरी रंग येईपर्यंत परतवा. लसूण सर्दी-खोकल्यावर अतिशय फायदेशीर असतो.
खोबरं घालून दोन मिनिटे हलके परतल्याने साराची टेक्स्चर आणि चव छान तयार होते. आता अंदाजानुसार पाणी घालून मिश्रण उकळायला ठेवा. पातळ किंवा घट्टपणा आपल्या आवडीनुसार ठेवू शकता.
उकळी आल्यावर आमसूल आणि गूळ घालून चांगले हलवा. गूळ चव आणि आरोग्य दोन्हीसाठी उत्तम आहे.
तिखट चवीनुसार घाला आणि हळद मिसळून पुन्हा मिश्रणाला उकळी येऊ द्या. हळद शरीरात उब आणते. थंडीत हे नक्कीच तुम्हाला फायदेशीर ठरेल.
उकळी आल्यावर गॅस कमी करा. सार छानपणे मिसळल्याने त्याचा आंबट-गोड स्वाद अधिक खुलतो. गॅस बंद करून वरून चिरलेली कोथिंबीर घाला. गरमागरम आमसूल सार तयार आहे.